"Куолу-2023" араатардар күрэстэрин дебата"
Педагогическай үлэ ветерана, РФ үөрэҕириитин бочуоттаах үлэһитэ, "Россия бастыҥ учууталлара" Гранын стипендията, СӨ үөрэҕириитин туйгуна, история, обществознание учуутала, Варламова Анна Павловна төрүттээбит "Куолу" араатардар өрөспүүбүлүкэтээҕи күрэһин дебата быйыл 27-с төгүлүн Игидэй орто оскуолатыгар үрдүк таһымҥа ыытылынна.
Сыллата кыттааччы ахсаана үрдүү турара биһигини үөрдэр.
Ол курдук:
2021 сыл-ха 217 кыттааччы.
2022 сыл-ха 15 улуустан 210 кыттааччы,
2023 сыл-ха 22 улуустан 232 үөрэнээччи кытынна.
Быйылгы күрэскэ Таатта улууһуттан (Таатта лицейа, Игидэй,Чычымах,
Чөркөөх, Ытык-Күөл 1, 2 нүөмэрдээх оскуолалара,

Баайаҕа,Туора-Күөл, Чымынаайы, Кыйы, Боробул), Дьокуускай к., Эдьигээн, Үөһэ-Дьааҥы, Эбээн-Бытантай, Чурапчы, Кэбээйи, Орто Халыма, Нам, Өлүөхүмэ, Муома, Бүлүү, Сунтаар, Үөһээ-Бүлүү, Өлөөн, Томпо, Мэҥэ-Хаҥалас, Мирнэй, Уус-Алдан, Горнай, Өймөкөөн,Хаҥалас улуустарыттан үөрэнээччилэр үс омук тылынан (сахалыы,нууччалыы, омуктуу) күрэстэстилэр. Маны таһынан уһуйаан иитиллээччилэрэ уонна иитээччилэрэ, алын сүһүөххэ үөрэнэр оҕолор, орто, улахан сүһүөх оҕолоро, дьиэ кэргэн уонна улахан дьон икки ардыларыгар уу сахалыы санааларын сайа эттилэр.
Бүгүҥҥү тэрээһиҥҥэ кыттааччыларга эҕэрдэ тылын тиэртилэр: Бойтунова Альбина Васильевна Э.К.Пекарскай аатынан Игидэй орто оскуолатын директора, Дягилев Иннокентий Иннокентьевич- улуустааҕы үөрэх управлениетыгар начальнигы солбуйааччы.
Ядрихинская Февронья Васильевана ИРО и ПК методиһа.
Прокопьева Нария Прокопьевна-Анна Павловна төрөппүт кыыһа,
Павлова Христина Петровна-12-с нүөмэрдээх оскуола педагог-библиотекара, уһун кэмҥэ Игидэй орто оскуолатыгар учууталынан,
директорынан үлэлээбитэ.
Дебат сахалыы тылынан ыытылынна.17 оҕо сүүмэрдэнэн биэс темаҕа төрөөбүт төрүт тылынан санааларын сайа этэн , дьон-сэргэ биһирэбилин ыллылар: Сидорова Диана (Таатта Ытык - Күөл Алампа аатынан бастакы нүөмэрдээх оскуолата), Бетюнская Алена(Илья Егорович Винокуров аатынан Нам улууһун Хатын Арыы оскуолата), Бурцева Нарияна (сэбиэскэй союз дьоруойа, Федор Охлопков аатынан Кириэс-Халдьаайы орто оскуолата, Томпо улууһа).Попова Диана (Иннокентий Михайлович Хатылаев аатынан Баайаҕа орто оскуолата), Барашкова Дина(П.А.Ойуунускай аатынан Чөркөөх орто оскуолата Таатта), Абашов Антон(Василий Дмитриевич Лебедев аатынан Орто дойду оскуолата Муома улууһа), Руфов Эрэл ("Айыы Кыһата" Дьокуускай куорат), Баннов Олег ( Э.К.Пекарскай аатынан Игидэй орто оскуолата), Артемьева Амелия (Киренскай аатынан лицей Амма улууһа),Гаврильева Дарина (Суордаах орто оскуолата Үөһээ-Дьааҥы улууһа), Степанова Туяра (М.К.Аммосов аатынан Хатырык орто оскуолата, Нам улууһа), Габышева Ариета (Петр Платонович Ощепков аатынан Токо орто оскуолата. Өлүөхүмэ улууһа), Васильев Эрсан (Дьыргыабай аатынан Найахы орто оскуолата.Уус-Алдан улууһа),Варламова Аня (Э.К.Пекарскай аатынан Игидэй орто оскуолата.Таатта), Николаев Кэнчээри(Болот Боотур аатынан Хатылы орто оскуолата.Чурапчы улууһа). Лопатина Ариана (Э.К.Пекарскай аатынан Игидэй орто оскуолата). Бакылыров Степа Бороҕон орто оскуолата,Бүлүү улууһа). Хомойуох иһин Бакылыров Степа убаастанар биричиинэнэн күрэскэ кыттыбата. Ол түмүгэр 16 үөрэнээччи күөн көрүстэ.
Тэрээһини чуор куолаһынан иилээн- саҕалаан ыытта, Захарова Александра Ильинична- алын сүһүөх учууталларын М/Х салайааччыта, дебаты сыллата өрө
күүрүүлээхтик, хас
биирдиии оҕону ыраахтан олорон олус сатабыллаахтык түмэ тардан ыытар , Ермолаева Мария Павловна - нуучча тылын уонна литературатын учуутала, "Нажим Нестеров аатынан Сайдам» оҕо хамсааһынын салайааччыта.
Николаев Кэнчээри Хатылы орто оскуолатын 11 кылааһын үөрэнээччитэ, Чурапчы улууһуттан биһиги күрэспитигэр 3 сылын көтүппэккэ кыттар. Кимҥэ даҕаны иннин биэрбэт кыайыылаах үрдүк аатын үһүс төгүлүн эрэллээхтик сүктэ. Уол аймахха холобур буолар оҕо. Билиҥҥи кэмҥэ олус үчүгэйдик уу
сахалыы саҥарар оҕону иитэн таһаарбыт салайааччытыгар, Елена Аммосоваҕа барҕа махтал тылларын аныыбыт.
Дебат олус долгутуулаах , эмиэ да тыҥааһыннаах, эмиэ да сорох этапка иһийэн олорон, харах уулаах түгэннэрдээх ыытылынна.
Түмүккэ этап аайы туоратыһан үрдүк баалы ылан, "Бастыҥтан бастыҥ куолуһут" үрдүк аатын үһүс төгүлүн кимиэхэ да иннин биэрбэтэх, Николаев Кэнчээри Хатылы орто оскуолатын
үөрэнээччитэ ,, Чурапчы улууһа эрэллээхтик сүгүөн сүктэ уонна Дьокуускай куоракка «Галилео» үөрэх киинигэр 5 т.с. суммалаах сертификатынан Нарыйа Прокопьевна кылааһын оҕолоро олохтообут бирииһинэн наҕараадаланна.
"Бастыҥ куолуһут" - үрдүк үрдүк аатын Лопатина Ариана Игидэй орто оскуолатын 8 кылааһын үөрэнээччитэ ылан үөртэ.
Анна Павловна кэргэнэ, оҕолоро сыллата туруорар анал бириистэрин
быйыл эбэтин аатын сүгэ сылдьар Варламова Аняҕа анаатылар .
Аня 16 оҕо иһигэр киирэн дебатка олус ситиһиилээхтик кытынна, сылын аайы куолу күрэҕэр эбэтин аатын үйэтитэр, бэйэтин туспа патриотическай өйө-санаата оҕолорго холобур буоларын бэлиэтиибит.
Эһиилги 28-с төгүлүн ыытыллар "Куолу " араатардар күрэҕэр өссө элбэх оҕо кыттыа диэн эрэнэ күүтэбит.

Варвара Ефимова-саха тылын уонна литературатын үрдүкү категориялаах учуутала. "Куолу" араатардар күрэстэрин сахалыы тылынан сүрүннэһээччи.