Вход на сайт

Учебно-воспитательный план

Воспитательный план 2021-2022 у.г.

  • Саха литературатыгар бастакынан күлүү кыымын сахпыт суруйааччы, кэпсээнньит, хоһоонньут, очеркист, саха фольклорун чинчийээччи Н.Д. Неустроев төрөөбүтэ 125 сылыгар П.А. Ойуунускай аатынан литературнай музей ахсынньы 1 к. – 12 күннэригэр суруйааччы айымньыларынан өрөспүүбүлүкэтээҕи уус-уран ааҕыы куонкуруһун куйаар ситиминэн ыытта. Барыта 20 ааҕааччы – 2 кылаас оҕотуттан 72 сааһыгар диэри эбэлэр, эһэлэр, ийэлэр, оҕолор олус үчүгэйдик ааҕан кытыннылар.
    Бу куонкуруска суруйааччы “Балыксыт”, “Ыйдаҥа”, “Куттал”, “Муммут оҕо кэпсээнэ”, “Сэмэнчик”, “Куттал”, “Куттаммыт”, “Омоҕой Эллэй икки” кэпсээннэриттэн, “Кукаакы кулуба” кэмиэдьийэтиттэн уонна “Доҕорбор”, “Песня птички”, “Маленький герой” хоһоонноруттан аахтылар.
    Ол курдук, бу күрэххэ кыттыбыт дьон ааттара: Борисов А., ИРЛ 10 кылааһын үөрэнээччитэ; В.П. Ларионов аатынан Майа орто оскуолатын 8 а кылааһын үөрэнээччилэрэ “Кукаакы кулубаны” оруолунан аахпыттар, Майа оскуолатын 8 а кылааһын үөрэнээччитэ Ефимова Л.; Гоголев Дима Уус Таатта оскуолатын 10 кылааһын үөрэнээччитэ; Маркова Лиана Игидэй орто оскуолатын 2 кылааһын үөрэнээччитэ; Андросова Л.В., 72 саастаах, Матаннанова М.П. Игидэй олохтоохторо; Лира Аргунова Игидэй оскуолатын 6 кыл.үөрэнээччитэ; Чурапчыттан В.С. Яковлев-Далан аатынан Кытаанах орто оскуолатын үөрэнээччилэрэ Н.Д. Неустроев "Кукаакы Кулуба" комедиятыттан быһа тардан аахтылар: Кулуба - Денис Борисов, Иитиэх уол - Миша Аржаков, Марыына - Диана Чохова, салайааччылара саха тылын уонна литературатын учуутала Ольга Романовна Аржакова; Дьокуускай к.18 №дээх оскуолатын 7 в кылааһын үөрэнээччитэ Николаева Алена; Игидэй орто оскуолатын 11 кылааһын үөрэнээччитэ Иванова Милена; Ефимова Варвара Константиновна - Игидэй орто оскуолатын саха тылын, литературатын учуутала; Федорова Яна, Суотту оскуолатын 11 кыл.үөрэнээччитэ, Ядрихинская Ирина Романовна, Суотту орто оскуолатын саха тылын, литературатын учуутала; Сивцев Василий Николаевич, Хамаҕатта оскуолатын саха тылын, литературатын учуутала; Габышева Уйгулаана, Игидэй оскуолатын 8 кыл.үөрэнээччитэ;
    рокопьева В.Н., Кэбээйи олохтооҕо; Шадрин Алеша, Дьокуускай куораттааҕы 23 №дээх оскуола 2 кылааһын үөрэнээччитэ; Гермогенов Валера, Майа оскуолатын 6 в кыл.үөрэнээччитэ; Аргунова М.И., Игидэйдээҕи "Теремок” оҕо саадын сүрүннүүр иитээччитэ.
    Дьүүллүүр сүбэ айымньыны дорҕоонноохтук, иэйиилээхтик ааҕалларын көрөн-истэн баран, маннык түмүгү таһаарда: *Оҕолорго* --- *Борисов Алексей,* Республиканскай лицей 10 кыл.үөрэнээччитэ, “Кукаакы кулуба” кэмиэдьийэ - 1 миэстэ; *Габышева Уйгулаана*, Игидэй орто оскуолатын 8 кылааһын үөрэнээччитэ, “Ыйдаҥа” кэпсээн, -- 2 миэстэ; *Федорова Яна*, Суотту орто оскуолатын 10 кылааһын үөрэнээччитэ, “Куттаммыт” кэпсээн, -- 3 миэстэ; *Лира Аргунова,* Таатта улууһун Э.К.Пекарскай аат. Игидэй орто оскуолатын 6-с кыл. үөрэнээччитэ. “Омоҕой Эллэй икки” – Биһирэбил миэстэ.
    *Улахан дьоҥҥо* *--- Сивцев Василий Николаевич,* Нам улууһа Хамаҕатта, “Куттал” кэпсээн – 1 миэстэ; *Прокопьева Вера Николаевна,* Кэбээйи бөһ., “Сэмэнчик” кэпсээн – 2 миэстэ. *Аргунова Мария Ивановна*, “Теремок” оҕо уһуйаанын иитээччитэ, Дэбдиргэ бөһ., “Куттаммыт” кэпсээн – 3 миэстэ, *Андросова Любовь Васильевна,* пед. үлэ бэтэрээнэ, Дэбдиргэ бөһ., “Ыйдаҥа” – Биһирэбил миэстэ.
    Э.К. Пекарскай аатынан Игидэй орто оскуолатын саха тылын, литературатын учууталыгар Ефимова Варвара Константиновнаҕа, үөрэнээччилэри эрэ буолбакка, нэһилиэгин дьонун түмэ тардан, барыта 8 киһини күрэххэ көҕүлээн кытыннарбытыгар дириҥ махталбытын биллэрэбит. Кыттыбыт дьоҥҥо өссө да ааҕыыны көҕүлээҥ, сахабыт литературатын баай тылын-өһүн сомсон ыччакка, оҕоҕо тарҕатаргытыгар баҕарабыт.
    Дьүүллүүр сүбэҕэ үлэлээтилэр, ааҕыыны сыаналаатылар: Саха театрын артыыһа – Легантьева Т.Г., Литературнай музейтан Дохунаев Е.В., Иванова Л.Н.

Учебно-воспитательный план

Наверх